Misli Azərbaycan Primyer Liqasında 18-ci tura “Zirə” – “Qarabağ” oyunu ilə yekun vurulub.
Bu görüşə kimi qələbələrini sıralayan Ağdam klubu ən yaxın izləyicisi ilə qarşılaşmada da seriyanı davam etdirib. Yarimsaatın tamamında qonaqlar istəklərinə nail olublar. “Qarabağ”ın heyətində Juninyo hesabı açıb. Qalan vaxtda isə tərəflərin fərqlənmək üçün bir neçə imkanı olsa da, görüşdə başqa qol olmayıb. Beləliiklə “Qarabag 2023cu ilin son oyununda Zireye minimal hesabla qalib gelib. Ölkə çempionatında ardıcıl 7-ci qələbəsini əldə edə Qurban Qurbanovun komandası ən yaxın izləyicisi “Zirə” ilə xal fərqini 12-yə yüksəldərək liderliyini daha da möhkəmləndirib. 18 tura “Qarabağ” 41, “Zirə” 29 xal toplayıb. İlk 3-lüyü 28 xalla “Neftçi” tamamlayır. Digər komandalara gəldikdə “Sumqayıt”ın 27, “Səbail” və “Araz Naxçıvan”ın 26 xalı var. “Turan Tovuz” və “Sabah” ili 22 xalla başa vurublar. Son 2 pillədə isə 14 xalla “Kəpəz” ve “Qəbələ” qərarlaşıb.